|
|
Ýma tröllastelpa á leið í alla grunnskóla landsins. Gott efni fyrir yngstu börnin, segja kennarar
Síðastliðinn vetur var send út könnun til allra grunnskóla landsins þar sem kennarar 1. bekkjar voru beðnir um að taka þátt og miðla reynslu sinni af kennsluefninu um Ýmu tröllastelpu. Þátttakan var mjög góð og niðurstöður sýna að almennt er efnið notað í kennslustundum eins og lífsleikni og á bekkjarfundum. Eineltishringurinn er mikið notaður í umræðunni um Ýmu. Efnið hjálpar nemendum að setja sig í spor annarra og er gott umræðuefni um líðan í bekknum, gott viðfangsefni um fjölmenningu og vel til þess fallið að ræða það að engir tveir eru eins. Þá er bókin skemmtilegt ævintýri og hægt er að lita og vinna með hana. Bókin er gjöf frá Prentmeti í samstarfi við Olweusarverkefnið gegn einelti og samtökin Regnbogabörn. Höfundur bókarinnar er Ingibjörg Steinunn Ingjaldsdóttir. >>
|
Einelti hefur minnkað í Olweusarskólum - en margir nemendur kvíða skólabyrjun
Starfsfólk skóla er hvatt til að fylgjast grannt með líðan og hegðan nemenda. Ekki síst í skólabyrjun. Einelti mælist 7,7% í 4. - 10. bekk í þeim skólum sem fylgja Olweusaráætluninni. Hefur einelti dregist saman þrjú síðustu árin. Mikill munur er á skólum, en hart er lagt að skólum að fylgja eineltisáætluninni í hvívetna. Samningur Menntasviðs og Olweusarverkefnisins kveður á um það og hafa langflestir skólanna verið afar virkir í verkefninu. Flestir nemenda sem kvarta undan einelti eru uppnefndir og verða fyrir stríðni á óþægilegan og meiðandi hátt. Þá er útilokun og í þriðja sæti baktal og reynt að fá aðra til að líka illa við þolanda. 4,4% stráka og 1,8% stelpna segjast leggja aðra í einelti. Sjöundi hver nemandi óttast að verða fyrir einelti í skólanum.
>
|
Námskeið fyrir nýja verkefnisstjóra í Olweusarverkefninu hefst í ágúst. Nýir skólar velkomnir.
Verkefnisstjórar í Olweusarverkefninu eru faglegir leiðbeinendur í hverjum skóla. Þeir gegna því lykilhlutverki í Olweusaráætluninni. Þeir hljóta menntun sem er á vegum áætlunarinnar. Kennsla fer fram í 7 staðbundnum lotum, 11 námskeiðsdaga samtals. Námið tekur tvö ár. Sæki skóli um að innleiða Olweusaráætlunina þarf skólinn að tilnefna starfsmann sem verðandi verkefnisstjóra. Skólar sem eru þegar þátttakendur í Olweusaráætluninni, en þar sem verkefnisstjóri hefur látið af störfum, þurfa að senda verkefnisstjóra á námskeið. Búist er við að fyrsta námskeiðslota fyrir nýjan hóp verkefnisstjóra hefjist í lok ágústmánaðar. Skólastjórar þurfa að hafa samband við framkvæmdastjóra Olweusaráætlunarinnar. Umsóknum ber að skila á netfangið torlakur@hi.is. >>
|
|
Olweusarverkefnið sameinað í nýjum grunnskóla í Fjallabyggð.
Báðir forverar nýs grunnskóla, Grunnskóli Ólafsfjarðar og Grunnskóli Siglufjarðar, hafa unnið gegn einelti í anda Olweusar síðastliðin ár. Nýr grunnskóli hefur það að markmiði að starfa að einurð gegn einelti - í anda Olweusar, segir á skólasíðu. >> |
Þunglyndi og kvíði á fullorðins árum: Helmingurinn glímdi við einelti í æsku.
Önnur hver fullorðin manneskja sem þjáist af kvíða og þunglyndi og leitar sér hjálpar, hefur verið lögð í einelti sem barn. Gerendur og þolendur eru í hættu skv. norskum rannsóknum. >>
|
Ekkert barn upplifi vinalausa æsku
Vinaverkefnið í Skagafirði hefur vakið athygli. Markmiðið er að auka virðingu í samskiptum, efla vináttu og velferð barna og unglinga. Jafnt í leik- og grunnskóla, í framhaldsskólum og í frístundastarfi. Foreldrarnir eru líka samstarfsaðilar. >>
|
Семьи-Друзья в школе Vesturbæjar
Семьи-Друзья в школе Vesturbæjar
Семьи дурзья это дружеские отношения двух и более семей, как например исландских семей и смешанных или иностранных, которые взаимодействуют между собой и содают так называемую сеть внутри школьного коллектива
( >>
|
|
